Բաղադրիչներ

ալյուր - 2,5-3,5 բաժակ

հաղարջ սև - 350 գր

կարագ - 100 գր

շաքարավազ - 150-200 գր

փխրեցուցիչ - 1/2 թ/գ

ձու - 2 հատ

թթվասեր - 300 գր

վանիլին - 1/2 թ/գ

աղ - 1 պտղունց

Պատրաստման եղանակ

Տարայի մեջ լցնում ենք ալյուրն ու ավելացնում փափկած կարագը, փխրեցուցիչը և մի պտղունց աղ: Լավ խառնում ենք, ավելացնում 100-150 գր շաքարավազ և մեկ ձու՝ շարունակելով խառնել: Երբ խմորը միատարր տառնա, այն լցնում ենք ձևամանի մեջ, որը նախապես պատում ենք կարագով ու ալյուր ցանում: Խմորը համաչափ տարածում ենք ու ձեռքով կողամասեր ձևավորում, որ լցոնը դուրս չհոսի:

Պատրաստում ենք լցոնը: Դրա համար խառնում ենք թթվասերը, վանիլինը, 50-100 գր. շաքարավազը և ձուն՝ դարձնելով համասեռ զանգված: Սև հաղարջը լվանում ենք, չորացնում ու լցնում խմորի մեջ: Վրայից լցնում ենք թթվասերով հաղարջը: Պիրոգը 25-35 րոպեով դնում ենք 200 աստիճան տաքացված ջեռոցի մեջ: Հանում ու մատուցում ենք: