Յուր ազգն ու հայրենիքը չսիրող անձը մարդկային կյանքի մեջ ապրելու իրավունք չունի:

Խրիմյան Հայրիկ

Ռամկավար Ազատական Կուսակցութիւնը իր Գերագոյն Խորհուրդով կը դատապարտէ թուրք հելուզակներու անընդունելի արարքը հայկական երկու վարժարաններու հանդէպ

am es en ru
ramkavar-azatakan-kousakcoutiune-ir-geragoyn-xorhourdov-ke-dataparte-tourq-helouzaknerou-anendouneli-ararqe-haykakan-erkou-varjarannerou-handep

Նկատի ունենալով թուրք հելուզակներու անբարոյական ընթացքը հայկական երկու վարժարաններու հանդէպ,

Նկատի ունենալով որ սեւազգեստ անհատներ Երեքշաբթի Յունուար 29-ի առաւօտեան փոքր ժամերուն ներխուժած են հայկական երկու վարժարաններ եւ թրքական արիւնաթաթախ դրօշակներ զետեղած մայր դարպասներուն, աստիճաններուն, պատշգամներուն եւ այլ վայրերու վրայ,

Նկատի ունենալով որ այս զազրելի արարքները կը միտին սարսափ սերմանել հայ մատղաշ աշակերտութեան սրտերուն մէջ,

Նկատի ունենալով որ այս անընդունելի արարքներով թուրքեր կը ժպրհին ուղղակի ազդարարել եւ ընկճել հայ կրթական հաստատութիւններուն, հայ մամուլին եւ ընդհանրապէս հայ կազմակերպութիւններուն վճռական կամքը Ցեղասպանութեան ճանաչման եւ Հայ Դատի հետապնդման աշխատանքները,

Նկատի ունենալով որ նման ստոր գործունէութիւններով մեր թշնամիները կը յուսան ժխտական ազդեցութիւն գործել հայ ծնողներու վրայ որպէսզի անոնք իրենց զաւակները հեռու պահեն հայկական դպրոցներէն,

Այսու կու գանք յայտարարել որ

Ռամկավար Ազատական Կուսակցութիւնը իր Գերագոյն Խորհուրդով, Շրջանային Վարչութիւններով, իրեն ենթակայ լծակից կազմակերպութիւններով եւ աշխարհասփիւռ համայն անդամակցութեամբ եւ համակիրներու լայն շրջանակներով

Ամենախիստ կերպով կը դատապարտէ այս անընդունելի արարքը եւ

Իր ամբողջական զօրակցութիւնը կը յայտնէ շրջանի բոլոր հայ վարժարաններուն, անոնց պատասխանատու մարմիններուն, տնօրէնութեանց, ուսուցչական կազմերուն եւ պաշտօնէութեանց, ծնողներուն եւ մանաւանդ աշակերտներուն, յայտարարելով որ մենք պատրստ ենք մեր կարելիութեան սահմաններուն մէջ ամէն միջոցի դիմել նման արարքներ խափանելու համար։

Կը հաստատենք որ մենք վերանորոգուած եւ աւելի վճռակամ տրամադրութիւններով պիտի շարունակենք Ցեղասպանութեան ճանաչման եւ Հայ Դատի արդար լուծման աշխատանքներն ու պայքարը։

Առ այդ, կը դիմենք տեղական ապահովական ուժերուն եւ քաղաքի խորհուրդներուն որպէսզի ջանք չխնայեն յանցաւոր անձերն ու անոնց ետին կանգնած կազմակերպութիւնները ի յայտ բերելու եւ օրէնքի սահմաններու մէջ ամենախիստ պատիժները սահմանելու։

Կոչ կ՚ուղղենք նաեւ հայ վարժարաններու պատասխանատուներուն, ծնողներուն եւ մանաւանդ աշակերտներուն ոչ թէ չվհատիլ, այլ աւելի վճռականութեամբ շարունակել իրենց ազգապահպանման եւ ազգակերտման սրբազան առաքելութիւնը։

Զօրակցինք Հայ Դպրոցին

Գնահատենք Հայ Ուսուցիչին զոհաբերութիւնները

Քաջալերենք Հայ Աշակերտը

Ի դիմաց

Հայաստանակեդրոն Ռամկավար Ազատական Կուսակցութեան

Վարդան Նազիրեան, Նախագահ

Գերագոյն Խորհուրդի

Լրահոս

Ամենաընթերցվածը

Նմանատիպ նորություններ