Թեհրանը Պարսից ծոցի բոլոր երկրներին կոչ է արել մասնակցել տարածաշրջանում նավարկության անվտանգությունն ապահովելու Իրանի նախաձեռնությանը: Նման կոչով հանդես է եկել Իրանի նախագահ Հասան Ռուհանին նախքան ՄԱԿ-ի Գլխավոր ասամբլեային մասնակցելու նպատակով Նյու Յորք մեկնելը: Տեղեկանում ենք Իրանի պետական ​​հեռուստատեսությունից:

«Պարսից ծոցի բոլոր երկրները հրավիրված են մասնակցելու այս նախաձեռնությանը», - ասել է Ռուհանին և հավելել, որ տարածաշրջանում անվտանգության ապահովման համապատասխան պլանը կներկայացվի ՄԱԿ-ին:

Նախագահը նշել է նաև, որ «վերոնշյալ նախագիծը ոչ միայն անվտանգության հարցերին է վերաբերում, այլև տնտեսությանը»: «Մենք դա անվանել ենք Հորմուզի խաղաղության նախաձեռնություն», - ասել է նախագահը: