Հայրենիք ստեղծելը հերոսություն է, հայրենիք շենացնելը` առաքինություն:
Վազգեն Ա Կաթողիկոս

Ռուհանին լավ նորություն Է համարել Սիրիայից ամերիկյան զորքերի դուրսբերումը

am en es ru
rouxani-nazval-vivod-amerikanskix-voysk-iz-sirii-xorosey-novostyu

Իրանի նախագահ Հասան Ռուհանին լավ նորություն է անվանել Սիրիայից զորքերը դուրս բերելու ԱՄՆ-ի մտադրությունը: Ռուհանին հայտարարել է, որ Վաշինգտոնի խոստումներին վստահելը դժվար է: Այս մասին տեղեկանում ենք նախագահի պաշտոնական կայքում արված հրապարակումից:

«Վերջերս նրանք հայտարարել էին, որ ցանկանում են դուրս բերել իրենց ուժերը Սիրիայից, եթե դա ճշմարտություն է, ապա լավ նորություն է», - ասել է Ռուհանին` նախքան Սոչի մեկնելը, որտեղ այսօր տեղի է ունենալու Սիրիայի հարցով Ռուսաստանի, Թուրքիայի եւ Իրանի նախագահների եռակողմ գագաթնաժողովը:

Միեւնույն ժամանակ, Իրանի նախագահը հավելել է. «Մենք երբեք չենք կարող վստահել ամերիկացիների խոսքերին ու խոստումներին»:

Նա նաեւ նշել է, որ Իրանը կարեւոր է համարում Սիրիայի տարածքի ամբողջականության պահպանումը: Ռուհանին ընդգծել է, որ Սիրիայի ամբողջ տարածքը պետք է վերահսկվի Դամասկոսի կողմից, Սիրիայի առանձին տարածքներ չեն կարող վերահսկել այլ պետությունների կողմից:

Լրահոս

Ամենաընթերցվածը

Նմանատիպ նորություններ