Ե. Օտյանի գլուխգործոցը համարվող «Ընկեր Փանջունի» (1938 թ.) երգիծավեպն աչքի է ընկնում գեղեցիկ ու ինքնատիպ երգիծանկարներով, որոնք ոչ միայն լավագույնս ներկայացնում են վեպի հերոս Փանջունուն, նրա գործունեությունը, այլև ամբողջացնում են վեպի սյուժեն ու յուրատեսակ համ ու հոտ տալիս ստեղածգործությունը:

«Ընկեր Փանջունի» գիրքը պատկերազարդել է հայտնի ծաղրանկարիչ, հրապարակախոս և հասարակական գործիչ Ալեքսանդր Սարուխանը, ով նաև եղել է  Եգիպտոսում երգիծանկարչության հիմնադիրը: Սարուխանը արվեստը գաղափարական առումով հարում է թե՛ Օտյանի ժողովրդավարական արվեստին, թե՛ իր ժամանակի քաղաքական առաջադեմ ծաղրապատկերին: Այդ իսկ պատճառով էլ Սարուխանին հաջողվել է լավագույնս ներկայացնել Օտյանի գիրքն ու նրա հերոսին: