Բաղձանքս է ապագայի մարդերուն նվիրել այնպիսի հզոր երգ մը, որ հայրենիքը ինձի պես արարած մը ծնած ըլլալու գոնե չզղջա:
Դանիել Վարուժան

Ստամբուլի քաղաքապետի ընտրություններում առաջատարն ընդդիմադիր թեկնածուն է

am
stambouli-qaxaqapeti-entroutyounneroum-arajatarn-enddimadir-teknacoun-e

Թուրքիայի Բարձրագույն Ընտրական հանձնաժողովի նախագահ Սադի Գյուվենը հայտարարություն է տարածել երկրում տեղի ուենցած տեղական ինքնակառավարման ընտրությունների վերաբերյալ: Այս մաիսն տեղեկանում ենք Anadolu լրատվական գործակալությունից:

Ըստ նրա՝ սկսվել է բողոքների ուսումնասիրման գործընթացը:

«Այս պահին կուսակցություններին տեղեկացվելէ ընտրական տեղամասերի ավելի քան 80 տոկոսի քվեարկության արդյունքների մասին: Քիչ հետո կտրամադրվի նաև այն ընտրատեղամասերի տեղեկատվությունը, որտեղից բողոքներ չեն ստացել», - ասել է Գյուվենը:

Վերջինս նաև մեկնաբանել է Ստամբուլի քաղաքապետի ընտրության քվեարկության արդյունքները:

«Այս պահին համակարգում դեռևս գրանցվել են գործող 31.186 ընտրական տեղամասերից միայն 31.102-ի քվեարկության արդյունքները, մնացած 84 ընտրատեղամասերում քննվում են բողոքները: Այս պահի դրությամբ ստացված արդյունքները հետևյալն են. ​​Ժողովրդա-հանրապետական կուսակցության թեկնածու Էքրեմ Իմամօղլուն ստացել է 4159650 ձայն, իշխող «Արդարություն և զարգացում» կուսակցության թեկնածու Բինալի Յըլդըրըմը՝ 4131761: Բողոքարկումների քննությունը շարունակվում է»,- նշել է Գյուվենը:

Հիշեցնենք, որ երեկ՝ մարտի 31-ին, Թուրքիայում տեղի են ունեցել ՏԻՄ ընտրություններ:

Լրահոս

Ամենաընթերցվածը

Նմանատիպ նորություններ