Հայ երաժշտությունն իր մեջ կսնուցանե ոգին իր իսկ ցեղին, որովհետև երաժշտությունը ամենեն մաքուր հայելին է ցեղին։
Կոմիտաս

Տիգրան Սարգսյանը Ամանորի շնորհավորական տեսաուղերձ է հղել

am en ru
tigran-sargsyane-amanori-snorhavorakan-tesaouxerc-e-hxel

Եվրասիական տնտեսական հանձնաժողովի Կոլեգիայի նախագահ Տիգրան Սարգսյանը Ամանորի նախաշեմին շնորհավորական տեսաուղերձ է հղել:

Սարգսյանը նշել է, որ Նոր տարին հնարավորություն է տալիս ամփոփելու արվածն ու նախանշելու նոր նախաձեռնություններ: «Ամանորի նախաշեմին մեր սրտերը լցվում են ջերմությամբ և սիրով : Ամանորը տալիս է մեզ հնարավորություն ամփոփելու արվածն ու նախանշելու նոր նախաձեռնություններ: Մենք անցել ենք մեր միության ստեղծման շատ դժվարին, բայց կարևոր փուլ: Մենք միավորվում ենք նրա համար, որպեսզի դարձնենք բնակչության կյանքն առավել հարմարավետ, լավ, որպեսզի նրանք կարողանան հանգիստ և ազատ տեղաշարժվել մեր երկրների տարածքներով, հարմարվել, աշխատանք գտնել, իրագործել բիզնես պլաններ, որպեսզի բարձրանա մեր բնակչության կյանքի որակը:

Մենք ապրում ենք բարդ ժամանակաշրջան, երբ փոփոխության արագությունը նոր ընթացք է ստանում: Մեր օրակարգում նոր հարցեր են ընդգրկվում, որոնք նախկինում չեն եղել, կյանքը դառնում է անկանխատեսելի»,- նշել է Տիգրան Սարգսյանը:

Նրա խոսքով՝ Նոր տարում պետք է սովորել ապրել փոփոխությունների դարաշրջանում, պետք է կարողանալ պատասխանել գլոբալ մարտահրավերներին՝ միաժամանակ պահպանելով մարդկային արժանապատվության զգացողությունն ու այն բոլոր արժեքները, որոնք միավորում են մեզ:

Լրահոս

Ամենաընթերցվածը

Նմանատիպ նորություններ