Տիգրանակերտի մէջ ներկայացուած է Զապէլ Եսայեանի կեանքի պատմութիւնը՝ «Զապէլ»-ը

am
tigranakerti-mej-nerkayacouac-e-zapel-esayeani-keanqi-patmoutiune-zapel-e

Պողազիչի համալսարանի Թատերական յանձնախումբը վերջին տարիներուն Պոլսոյ զանազան թատերասրահներուն մէջ շուրջ երկու տարի ներկայացուց Զապէլ Եսայեանի կեանքը ցոլացնող «Զապէլ» թատերախաղը: Իսկ ներկայիս, «Թատրոնի փառատօն» ծրագրի շրջանակին մէջ, այս թատերախաղը քանի մը օր՝ մինչեւ Մայիս 5 ներկայացուած է նաեւ Տիյարպաքըրի (Տիգրանակերտ) մշակութային կեդրոնին մէջ: Ինչպէս ծանօթ է, Եսայեան ծնած է 1878­ին Սկիւտար։

1915 Ապրիլ 24­ին անոր անունը ընդգրկուած է ձերբակալուելիք մտաւորականներու ցանկին մէջ, յաջողած է փրկուիլ, աստանդական կեանք ապրած է, յետագային յաջողած է երթալ Հայաստան, զոր «իմ հայրենիքս» կոչած է, հոն ալ 1937­ին Սթալինի «Մեծ մաքրագործում»­ի շարժումին զոհ գացած է, աքսորուելով Սիպիր:

Թատերախաղին մէջ կը պատմուին Եսայեանի հերոսական ապրումները: Խաղը կը սկսի Հայաստան, մութ, ցուրտ ու խոնաւ բանտի խուցի մը մէջ: Եսայեանի վրայ բռնի միջոցներ կը գործադրուին, որպէսզի ան ընդունի յանցանք մը, զոր չէ գործած երբեք: Յետոյ կը պատկերացուին Եսայեանի կեանքէն դրուագներ, յիշողութիւններու վրայ հիմնուած: Կը ներկայացուին իր շրջանի պոլսահայ մտաւորականները. Զօհրապը, Սրբուհի Տիւսաբը..., Եսայեանի որպէս գրագիտուհի անոնց հետ ունեցած շփումները եւ այլն:

Եսայեան կը խօսի իր մանկութեան շրջանի, երիտասարդութեան, գրագիտուհի դառնալու հաստատակամութեան մասին: Կը վերյիշէ Ատանայի ջարդերը,– որոնց ականատեսը եղած է,– 1915­ին Պոլսէն խոյս տուած մտաւորականները: Բոլոր այս յուշերէն ուժ առնելով, կը բռնանայ ռուս ոստիկանին դիմաց եւ յետագային, աչքէ հեռու տեղ մը հրաժեշտ կու տայ կեանքին:

 

Աղբիւրը՝ Նոր Յառաջ

Լրահոս

Ամենաընթերցվածը

Նմանատիպ նորություններ