Ով պատմություն ունի չի կարող ետ չնայել: Առողջ աչքով ես տեսնում եմ, իսկ կույր աչքով միշտ երազում։
Պարույր Սևակ

Թուրքիան կրկին շրջանառում է Սիրիայի քրդաբնակ շրջաններում ձևավորված «Հայկական գումարտակի» արհեստածին թեման. արաբագետ

am
tourqian-krkin-srjanaroum-e-siriayi-qrdabnak-srjanneroum-ceavorvac-haykakan-goumartaki-arhestacin-teman-arabaget

Թուրքական քարոզչամեքենան կրկին շրջանառության մեջ է դրել իբրև Սիրիայի հյուսիս-արևելյան քրդաբնակ շրջաններում ձևավորված «Հայկական գումարտակի» արհեստածին թեման: Այս մասին նշում է արաբագետ Արեմն Պետրոսյանը՝ նկատելով, որ ինչպես այս խնդրի շրջանառման սկզբնական փուլում էր կանխատեսվում, թեման առնվազն քարոզչական հարթությունում նոր երանգավորումներ է ստանում:

«Քրդական ոչ բարեկամական շրջանակների կողմից սեփական քաղաքական և քարոզչական նեղ շահերի համար շահարկված հարցին թուրքական քարոզչամեքենան արդեն փորձում է մասնակից դարձնել նաև ՀՀ-ին՝ իբրև գումարտակին ցուցաբերվող աջակցության մասին կեղծ լուրերով:

Հերթական անգամ ցանկանում եմ ընդգծել, հիմք ընդունելով նաև Սիրիայի ալ-Հասաքա նահանգից, Կամիշլի քաղաքից (այս շրջանում է իբրև ձևավորվել «գումարտակը») ստացված հավաստի տեղեկատվությունը, որ սիրիահայ համայնքի հետ առնչություն ունեցող որևէ ռազմական կառույց չկա և ներկա պայմաններում չի էլ կարող լինել, քանի որ պարզապես չկա դրա անհրաժեշտությունը»,- ընդգծում է  արաբագետը:

Նրա խոսքով՝ սիրիահայ համայնքի անվտանգությունը երաշխավորված է բազմաշերտ մակարդակում, հետևաբար, սեփական նախաձեռնությամբ անվտանգության խնդիր լուծելու օրակարգը միայն ոչ բարեկամական շրջանակների արհեստածին քարոզչության հետևանք է:

Լրահոս

Ամենաընթերցվածը

Նմանատիպ նորություններ