Հ․ Շիրազ - Հին մանկություն

Չգիտեինք՝ աշխարհն ի՞նչ էր, մարդն ի՞նչ էր,
Մենք՝ դարդի մեջ, չգիտեինք՝ դարդն ինչ էր...
Ա՜խ, դեռ մանուկ մենք ծերացած, գլխիկոր
Շրջում էինք՝ անգիտությա՜մբ բախտավոր...

Կարդալ Ամբողջը

Թուրքիոյ Աւելի Քան Հազարամեայ Սուրբ Գէորգ Եկեղեցին Ոչնչացման Եզրին

am
tourqioy-aueli-qan-hazarameay-sourb-georg-ekexecin-ocncacman-ezrin

Ներկայի Թուրքիոյ Էլազըղ նահանգի Շահինքայա (պատմական անունով՝ Խուլէ) գիւղի սահմաններուն մէջ ինկող եւ 10-րդ դարէն ի վեր ամէն արհաւիրքի տոկացած Սուրբ Գէորգ վանքէն մնացած եկեղեցին այլեւս ուժասպառ է, չըսելու համար՝ մահամերձ, նոյնիսկ եթէ մեր գրիչը կը դժկամի գրել նման հաստատում: Արդարեւ, Թուրքիոյ մամուլէն կը կարդանք թէ երկար դարերու «չյաջողածը»՝ «յաջողած» են մարդկային բարոյական բոլոր արժէքներէ զուրկ գանձագողերը, որոնք արդէն մուկերու նման ծակ-ծակ ըրած էին չարչարեալ վանքին ամէն մէկ հատուածը, բնականաբար՝ ներսէն եւ դուրսէն:

Թէեւ 2012-ին Թուրքիոյ Մշակոյթի նախարարութեան առընթեր Պատմական յուշարձաններու պաշտպանութեան Տիգրանակերտի տեղական վարչութիւնը իր խնամքին տակ առած էր վայրը, եւ 2018-ին փշաթել ցանկապատով մըն ալ շրջապատած, բայց հակառակ կատարուած բազմաթիւ դիմումներուն՝ պատասխանատու մարմինները վերանորոգութեան ոչ մէկ աշխատանքի ձեռնարկած էին:

Այսօր, այդ ցանկապատին կէսն ալ գետնին հաւասարած է, 2012-էն ի վեր «մուկ»երը նոր փոսեր փորած են արդէն անմխիթար վիճակի մէջ գտնուող վանքին կառոյցը քիչ մը աւելի տկարացնելով:

Ըստ երեւոյթին՝ վերջին օրերու աննպաստ օդն ու տեղատարափ անձրեւն ալ եկած են լրացնելու գործը՝ քանզի քանի մը օր առաջ փուլ եկած է եկեղեցւոյ տանիքին մէկ մասը: 2011-ին «Երկիր եւ Մշակոյթ» կազմակերպութիւնը ահազանգ հնչեցուցած էր յատկապէս երկու եկեղեց ներու՝ Խուլէի Սուրբ Գէորգին եւ Դատեմի Սուրբ Աստուածածնին պարզած անմխիթար վիճակներուն համար:

Աղբիւրը՝ Նոր Յառաջ

Լրահոս

Ամենաընթերցվածը

Նմանատիպ նորություններ