Լոնդոնի Բրիտանական թանգարանում   երկրի նորընտիր վարչապետ Բորիս Ջոնսոնի պատկերով թղթադրամներ են հայտնվել: Դրանք ստեղծվել են Brexit-ի հակառակորդների կողմից: Այս մասին գրում է The Financial Times-ը:

Ինչպես նշում է լրատվամիջոցը, բացի Ջոնսոնից, թղթադրամները նաև պատկերում են Համայնքների պալատի առաջնորդ Ջեյքոբ Ռիս-Մոգին: Վարչապետ Ջոնսոնի պատկերով  թղթադրամը 350 միլիոն ֆունտ ստեռլինգն է: Ըստ ԵՄ-ից Մեծ Բրիտանիայի դուրս գալու կողմնակիցների գնահատականների՝  հենց այսքան գումար կշահի իրենց երկիրը մեկ շաբաթվա ընթացքում, եթե Brexit-ը հաջող ընթացք ունենա:

Նշվում է, որ թղթադրամի վրա հետևյալ գրություններն են առկա. «Խոստանում եմ Առողջապահության ազգային համակարգին չվճարել 350 միլիոն ֆունտ ստեռլինգ» և «Խոստումներ, խոստումներ, խոստումներ»: