«Վահան Թեքեյան» ամենամյա մրցանակաբաշխությունը տեղի կունենա այսօր

am en ru
vahan-teqeyan-amenamya-mrcanakabasxoutyoune-texi-kounena-aysor

Թեքեյան մշակութային միության կողմից անցկացվող և մշակույթի ոլորտում բարձր հեղինակություն վայելող «Վահան Թեքեյան» ամենամյա մրցանակաբաշխությունը տեղի կունենա այսօր՝ մայիսի 30-ին` ժամը 16. 00-ին:

 

Հիշեցնենք, որ մրցանակաբաշխությունն անցկացվում է 90-ականներից. մրցանակներ և դրամական պարգևներ են շնորհում մշակույթի 4 բնագավառներում՝ գրականություն, երաժշտություն, կերպարվեստ, թատերական արվեստ, հաջողություններ գրանցած հայաստանաբնակ և սփյուռքահայ արվեստագետներին:

 

Մրցանակաբաշխության բազմամյա պատմության ընթացքում «Վահան Թեքեյան» մրցանակին են արժանացել այնպիսի մեծանուն արվեստագետներ, ինչպիսիք են՝ կոմպոզիտորներ Տիգրան Մանսուրյանը, Կոնստանտին Օրբելյանը, Էդուարդ Թոփչյանը, դուդուկահար Ջիվան Գասպարյանը, բանաստեղծ Սիլվա Կապուտիկյանը, դիրիժոր Օհան Դուրյանը, քանդակագործներ Արտո Չաքմաքչյանը, Էմին Գազազը, նկարիչ Փարավոն Միրզոյանը, արձակագիր Գուրգեն Խանջյանը, դերասաններ Վարդան Պետրոսյանը, Երվանդ Մանարյանը և ուրիշներ:

Լրահոս

Նմանատիպ նորություններ