ՀՀ վարչապետի մամուլի խոսնակ Վլադիմիր Կարապետյանը հանդես է եկել հայտարարությամբ, որում նշում է, որ Նիկոլ Փաշինյանը պարզաբանում է պահանջել իր խորհրդականից՝ Լևոն Տեր Պետրոսյանի մասին գրառման առնչությամբ:

«ՀՀ վարչապետի խորհրդական Սրբուհի Ղազարյանի հրապարակած ֆեյսբուքյան հայտնի ստատուսի ձևակերպումները չեն արտահայտում վարչապետի և Կառավարության կարծիքը:
Այդ կապակցությամբ վարչապետը պարզաբանումներ է պահանջել խորհրդականից:
Վարչապետի դիրքորոշումը այն է, որ գործադիր մարմնի բոլոր պաշտոնյաները իրենց հրապարակային ելույթներում և խոսքում պետք է հետևեն կառավարության դիրքորոշումներին և մնան իրենց պարտականությունների շրջանակում: Սույն հանձնարարականը խախտողների նկատմամբ կկիրառվեն խստագույն կարգապահական միջոցներ»,-ասվում է Կարապետյանի հայտարարության մեջ: