Անցած 5 տարիների ընթացքում ԵԱՏՄ-ն ապացուցեց իր կայացած լինելը, հիմնական ցուցանիշներում գրանցեց դրական դինամիկա, եվրասիական ինտեգրման բազմաթիվ ուղղություններով կայացվեցին կարևոր որոշումներ: Այս մասին այսօր «ՀՀ նախագահության տարին ԵԱՏՄ-ում. մարտահրավերներ և հնարավորություններ» թեմայով հրավիրված խորհրդարանական լսումների ժամանակ ասաց ՀՀ ԱԳ նախարար Զոհրաբ Մնացականյանը:

«Անցած 5 տարիների ընթացքում ԵԱՏՄ-ն ապացուցեց իր կայացած լինելը, հիմնական ցուցանիշներում գրանցեց դրական դինամիկա, եվրասիական ինտեգրման բազմաթիվ ուղղություններով կայացվեցին կարևոր որոշումներ: ԵԱՏՄ անդամ երկրների համար  եվրասիական ինտեգրացիան առաջնային ուղղություն է, որը թույլ է տալիս բարելավել բիզնեսի տնտեսավարման պայմանները, ուժեղացնել գործընկերների հետ համագործակցությունը, ստեղծել նոր հնարավորություններ ինտեգրացիոն միության տնտեսական ներուժի իրագործման համար: ԵԱՏՄ-ն, չնայած առաջին տարիների դժվարություններին, այժմ փոխադարձ առևտրի համոզիչ աճ է ցույց տալիս: Այսպես, 2018-ին ԵԱՏՄ երկրներում գրանցվել է տնտեսական ցուցանիշների էական աճ, 2017-ի համեմատ ներքին առևտուրն աճել է 9.2 տոկոսով, երրորդ երկների հետ՝ 18.3 տոկոսով, ապրանքների արտահանումը՝ 26.8 տոկոսով: Անցած տարիների ընթացքում Միության երկրներն արել են ընդհանուր գործ՝ նպատակ ունենալով կյանքի կոչել նորարարական, ամբիցիոզ և առաջնային ծրագրեր, որոնց ժամանակ տեղի են ունեցել Միության անդամ բոլոր երկրների դիրքորոշումների համադրում և կայացվել են փոխադարձ ընդունելի որոշումներ»,- նկատեց Մնացականյանը: