Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Խայտառակ փաստեր կան, ԵՊՀ ռեկտորը մանիպուլացնող հայտարարություն է արել. Դավիթ Սանասարյան

xaytarak-paster-kan--eph-rektore-manipoulacnox-haytararoutyoun-e-arel-davit-sanasaryan

Երևանի պետական համալսարանի ռեկտոր Արամ Սիմոնյանը մանիպուլացնող և իրականությունից կտրված հայտարարություններ է արել: Այս մասին լրագրողների հետ հանդիպման ժամանակ հայտարարեց ՀՀ պետական վերահսկողական ծառայության պետ Դավիթ Սանասրյանը՝ անդրադառնալով տոներից առաջ Արամ Սիմոնյանի շտապ հրավիրած ասուլիսին և նրա հայտարարություններին:

«Իմ որակումն հետևյալն է՝ այս ճչացող, իրականությունից կտրված ու մանիպուլացնող երևույթը որևիցե ձևով չի կարող իրավիճակ փոխել: Ներկա ու նախկին բոլոր պաշտոնյաներին խորհուրդ չեմ տալիս, որ Արամ Սիմոնյանի օրինակին հետևեն, ու միանգամից ենթադրեն, թե քաղաքական հետապնդում է: Սիմոնյանը ենթադրում է, թե ուսումնաիսրութուններ ենք իրականացնում, որովհետև ինքը Հանրապետական կուսակցությունից է: Սակայն, կլինեն Հանրապետական կուսակցությունից, Քաղաքացիական պայմանագրից, թե այլ կուսակցությունից, բոլորը պետք է օրենքի առաջ հավասար լինեն ու պատասխան տան: Չի կարող լինել մեկը, ով որևիցե ճչոցով փորձի մոլորեցնել մարդկանց ու ասի, թե մեր հետևից ընկած են, որովհետև ՀՀԿ-ից ենք»,- հայտարարեց Սանասարյանը:

Ըստ պետական վերահսկողական ծառայության պետ՝ Սիմոնյանի ամենամեծ մանիպուլիացիաներից մեկը այն է, որ ինքն ասում է, թե 9 մլրդ-ից ավելի գնումներ են ստուգել. «Սուտ է: Մենք ստուգել ենք 2,5 մլրդ դրամի գնումներ: Ես վստահ եմ, որ եթե երկար գումարում-հանում անենք, կստանանք ավելի մեծ թիվ, ինչ ես ներկայացրել եմ հանրությանը: Եթե ուսումնասիրությունը երկար տևի, այդ թվերը բազմապատկվելու են»:

Դավիթ Սանասարյանը նշեց, որ իրենք չեն կարող մեկ կամ երկու տարի տրամադրել միայն ԵՊՀ-ում ուսումնասիրություններին, սակայն վստահեցրեց, որ այս ամիսներին կատարված ուսումնաիսրության արդյունքում ստեղծված տեղեկանքի համար պատասխանատու են. «Շատ մանրամասներ չենք ներկայացնի, բայց վստահեցնում ենք, որ խայտառակ փաստեր կան, և իրավապահ մարմիններն իրենց գործողությունների արդյունքում կներկայացնեն ամբողջը հանրությանը»:

Լրահոս

Ամենաընթերցվածը

Նմանատիպ նորություններ