Ով պատմություն ունի չի կարող ետ չնայել: Առողջ աչքով ես տեսնում եմ, իսկ կույր աչքով միշտ երազում։
Պարույր Սևակ

Դատական բարեփոխումներ պահանջում են կշռադատված մոտեցումներ

am en ru
zaavlenie-partii-vo-ima-socialynoy-spravedlivosti-po-povodu-sobitiy-vokrug-sudebnoy-sistemi-strani

«Հանուն սոցիալական արդարության» կուսակցությունը հայտարարություն է տարածել  դատական համակարգի շուրջ ստեղծված իրավիճակի առիթով

Հայտարարությունը ներկայացնում ենք ստորև.

 «Անհերքելի է, որ Հայաստանի դատական համակարգը բարեփոխման կարիք ունի, իսկ դատավորների կորպուսը պետք է համալրվի նոր պրոֆեսիոնալ կադրերով, որոնք կապակցված չեն քաղաքական որևէ ուժի կամ կոռուպցիոն ռիսկերի հետ: Սակայն հարցը նրանում է, թե ի՞նչ մեթոդներով ենք մենք ցանկանում հասնել այդ նպատակներին:    

Այն գործողությունները, որոնք կիրառվեցին գործադիր մարմնի կողմից դատարանների նկատմամբ մայիսի 19-20-ին, անընդունելի են: Նախ, այդ գործողությունները ենթադրում էին ահռելի ճնշում դատական համակարգի նկատմամբ, որը, ըստ Սահմանադրության, անկախ է: Իշխող կուսակցությունը հերթական անգամ, ինչպես և նախորդ տարվա աշնանը, ստեղծեց արտակարգ իրավիճակ և այդ պայմաններում հայտարարեց քայլերի մասին, որոնք չեն տեղավորվում իրավական պետության քաղաքական գործընթացների տրամաբանության մեջ:

 Երկրորդ. անձնական քաղաքական կողմնորոշումներն այս ամբողջ իրավիճակում առանցքային դերակատարում ունեցան: Իսկ մեր պետության ազգային շահերին նման «անձերի անցումը» չի կարող չվնասել: Քաղաքական բոլոր հակասությունները պետք է լուծվեն իրավական դաշտում և առողջ քաղաքական մրցակցության շրջանակներում:         

Հաշվի առնելով այս ամենը, «Հանուն սոցիալական արդարության» կուսակցությունը հորդորում է մնալ իրավական դաշտում, ինչպես նա և ձեռնպահ մնալ դատական իշխանության «զտումներից», որոնք դժվար թե ընկալվեն ինչպես Հայաստանում, այնպես էլ միջազգային մեր գործընկերների կողմից:

Դատական բարեփոխումները, ինչպես և ցանկացած բարեփոխում մեր երկրում, պահանջում են ավելի կշռադատված մոտեցումներ, այդ թվում և՝ նոր կադրերի ներգրավման, դատական վճիռների կայացման գործընթացի թափանցիկության, դատարանների գործունեության տեխնիկական մասի արդիականացման տեսանկյունից»:

Լրահոս

Ամենաընթերցվածը

Նմանատիպ նորություններ